๔. ติณุกกธาริยเถราปทาน เล่ม ๓๓

๔๔|๔๔.๒๒| ปุทุมุตฺตรสฺส พุทฺธสฺส โพธิยา ปาทปุตฺตเม ปสนฺนจิตฺโต สุมโน ตโย อุกฺเก อธารยึ ฯ |๔๔.๒๓| สตสหสฺเส อิโต กปฺเป ยาหํ อุกฺกมธารยึ ทุคฺคตึ นาภิชานามิ อุกฺกทานสฺสิทํ ผลํ ฯ |๔๔.๒๔| กิเลสา ฌาปิตา มยฺหํ ภวา สพฺเพ สมูหตา นาโคว พนฺธนํ เฉตฺวา วิหรามิ อนาสโว ฯ |๔๔.๒๕| สฺวาคตํ วต เม อาสิ มม พุทฺธสฺส สนฺติเก ติสฺโส วิชฺชา อนุปฺปตฺตา กตํ พุทฺธสฺส สาสนํ ฯ |๔๔.๒๖| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ติณุกฺกธาริโย เถโร อิมา คาถาโย อภาสิตฺถาติ ฯ ติณุกฺกธาริยตฺเถรสฺส อปทานํ สมตฺตํ ฯ